ABŞ Prezidentindən iddialı açıqlama | "Heç kim bunu etməmişdi" - Baku TV

"Ukrayna münaqişəsinin həlli yaxın perspektivdə mümkündür".

Bunu ABŞ Prezidenti Donald Tramp Vaşinqtondakı Con Kennedi İncəsənət Mərkəzində 2026-cı il futbol üzrə dünya çempionatının qrup mərhələsinin püşkatma mərasimində bildirib.

"Mən səkkiz müharibəni dayandırmışam və doqquzuncu yaxınlaşır. Heç kim bunu etməyib", – deyə D.Tramp bildirib.

Bu arada, İsveç hökuməti beş ölkəyə inkişaf məqsədli maliyyə yardımını tədricən dayandıracaq və bu vəsaitləri Ukraynanın dəstəklənməsinə yönəldəcək.

"Reuters" agentliyinin verdiyi xəbərə görə, bunu İsveçin beynəlxalq əməkdaşlıq və xarici ticarət naziri Benjamin Dusa deyib.

Nazirin sözlərinə görə, Zimbabve, Tanzaniya, Mozambik, Liberiya və Boliviyaya yardım tədricən dayandırılacaq.

"Ukrayna İsveçin xarici və yardım siyasətində ən vacib prioritetdir. Buna görə də hökumət 2026-cı ildə Ukraynaya dəstəyi ən azı 10 milyard İsveç kronuna, təxminən 1 milyard dollar həcmində artırmağı planlaşdırır", – deyə B.Dusa bildirib.