ABŞ Rusiyada olan Ukrayna torpaqlarını geri qaytarmayacaq? | Qalmaqallı iddialar üzə çıxdı

2025-ci ilin fevral ayı Ukraynanın nadir torpaq mineral yataqları mövzusunda Volodimir Zelenskinin Donald Trampa “sövdələşmə” təklif etməsi ilə yadda qalıb.

Qeyd edək ki, “nadir təbii sərvətlərə malik” torpaqlarda elektrik avtomobilləri, mobil telefonlar və digər elektronika məhsulları üçün enerjini hərəkətə çevirən maqnit hazırlamaq məqsədilə istifadə olunan metal qruplar mövcuddur. Belə bir təklifə Amerika Birləşmiş Ştatları biganə yanaşmayıb.

İşin maraqlı tərəfi budur ki, Ağ Ev Ukraynanın sərvətlərinin yarısının ABŞ-yə verilməsini nəzərdə tutan sənədi təqdim edib, amma təklifi verən Volodimir Zelenski sazişi imzalamaqdan imtina edib.

“Bu, suveren Ukraynanın maraqlarına uyğun deyil. Mənim üçün sərmayələr önəmlidir. Bunlar yatırımlardır. Bunun isə hüquqi cəhətdən doğru-düzgün ifadə edilməsi lazımdır. Bu investisiyalardan necə mənfəət əldə ediləcəyini düşünmək təhlükəsizlik zəmanəti ilə əlaqəlidir. Həmin sənəddə təhlükəsizlik zəmanətini görə bilmirik”, – deyə V.Zelenski bildirib.

V.Zelenskinin belə bir geri dönüşünə Ağ Evdən reaksiya gecikməyib. Onlar Ukraynanın rədd cavabının uzaqgörən olmadığını bildiriblər.

Bəs Volodimir Zelenski təhlükəsizlik zəmanəti deyəndə nəyi nəzərdə tutur?