ABŞ və İsrail İsfahanı hədəf aldı | Çindən şok addım - Baku TV

İranın ən böyük şəhərlərindən biri olan İsfahan ABŞ və İsrailin hava hücumlarına məruz qalıb.

“Əl-Hədəs” telekanalının məlumatına görə, şəhərin bir çox ərazisində partlayışlar baş verib.

ABŞ-İsrail qüvvələri tərəfindən İsfahandakı çoxsaylı hədəflərə kütləvi hava zərbələri endirilib.

Bu arada "The Washington Post" qəzeti maraqlı iddia ilə çıxış edib. Qeyd olunub ki, Yaxın Şərqdəki münaqişə fonunda Çin şirkətləri süni intellekt texnologiyalarından istifadə edərək ABŞ-nin hərbi birləşmələrinin hərəkətləri və silahları haqqında məlumatları satmağa başlayıb.

Məlumata görə, Çindəki özəl firmalar ABŞ-nin hərbi fəaliyyətini izləmək və sonra bu informasiyaları satmaq üçün süni intellekti açıq mənbəli məlumatlarla, o cümlədən peyk görüntüləri ilə birləşdirir.

Vurğulanıb ki, ABŞ-nin yüksəkvəzifəli rəsmiləri süni intellektin hazırkı vəziyyətinə şübhə ilə yanaşsalar da, Çində bu cür texnologiyaların mümkün inkişafı ilə bağlı narahatlıqlarını bildiriblər.