Dünya
Pleyeri seçin:
ABŞ və Rusiya liderləri danışıqlara hazırlaşır | Trampın müşavirindən açıqlama
ABŞ-nin yeni seçilən prezidenti Donald Tramp Rusiya lideri Vladimir Putinlə danışıqlara hazırlaşır.
Bu barədə Trampın milli təhlükəsizlik üzrə müşaviri Mayk Uoltz “ABC News”a müsahibəsində deyib.
Onun sözlərinə görə, yaxın vaxtlarda telefon danışıqları aparıla bilər.
“Hələ bunun üçün dəqiq çərçivə müəyyən etməmişik. Bunun üzərində işləyirik. Amma bilirsiniz ki, ən azı yaxın günlərdə və həftələrdə bir zəng gözləyirəm. Bu bizim ilk atacağımız addım olacaq və sonra biz hərəkətə keçəcəyik”, – deyə Mayk Uoltz əlavə edib.
Daha əvvəl Almaniya Kansleri Olaf Şolts Trampın Putinlə görüş planlarını alqışladığını söyləyib.
Qeyd edək ki, Donald Tramp yanvarın 9-da qubernatorlarla görüşdən əvvəl Florida ştatındakı iqamətgahında Rusiya Prezidenti ilə görüşün hazırlandığını bildirib. O əlavə edib ki, yanvarın 20-də andiçmə mərasimindən sonra bütün görüşləri keçirməyi planlaşdırır.
Kopyalandı
