Pleyeri seçin:
ABŞ Venesuelada diplomatik mövcudluğunu bərpa etməyi planlaşdırır
ABŞ yaxın zamanda Venesuelada öz diplomatik mövcudluğunu bərpa etməyi planlaşdırır.
Bu barədə ABŞ dövlət katibi Marko Rubio Senatdakı çıxışında bildirib.
Onun sözlərinə görə, bu, Vaşinqtona real vaxt rejimində məlumat əldə etməyə və təkcə müvəqqəti hakimiyyət nümayəndələri ilə deyil, həm də vətəndaş cəmiyyəti və müxalifətlə qarşılıqlı əlaqə saxlamağa imkan verəcək.
Rubionun fikrincə, Venesuela hakimiyyəti siyasi məhbusların azad edilməsinə də başlayıb. Bəzi qiymətləndirmələrə görə, artıq 200-ə yaxın insan azadlığa buraxılıb.
Dövlət katibi qeyd edib ki, bu proses Vaşinqtonun istədiyi qədər sürətli getmir, lakin davam edir və azad olunmuş şəxslərin bəziləri artıq ölkənin siyasi həyatında iştirak etməyə başlayıblar.
"ABŞ dəfələrlə Nikolas Maduronu könüllü olaraq istefa etməyə çağırıb, belə ki, onunla razılığa gəlmək mümkün deyildi", – deyə Rubio sözlərinə əlavə edib.
Kopyalandı
