ABŞ-yə getmək istəyənlər üçün yeni xəbər | Viza qadağası aradan qaldırıldı - Baku TV

ABŞ Federal Məhkəməsi Vaşinqton administrasiyasının Azərbaycan, Ermənistan, Rusiya, Belarus, Qazaxıstan, Qırğızıstan, Özbəkistan, Gürcüstan və Moldova da daxil olmaqla 75 ölkədən olan müraciət edənlərə immiqrant vizalarının verilməsini dayandırmaq barədə əvvəlki qərarını qanunsuz hesab edib.

Bu barədə Nyu-York Cənub Dairəsi Federal Məhkəməsinin bəyanatında deyilir.

Sənəddə vurğulanır ki, məhkəmənin qərarı qeyd olunan 75 ölkədən müraciət edənlərə immiqrant vizalarının verilməsini tamamilə dayandırmaq siyasətini ləğv etməlidir. Çünki bu, qanuna ziddir və səlahiyyətlərdən sui-istifadədir.

Xatırladaq ki, Dövlət Departamenti məhdudiyyətləri yanvarda tətbiq edib. Rəsmilər öz haqlarında siyahıya daxil olan ölkələrdən olan şəxslərin hökumət üçün maliyyə yükü olma və ABŞ-də sosial yardım alma ehtimalının yüksək olduğunu iddia ediblər.

Qərar yalnız Amerika Birləşmiş Ştatlarına daimi giriş üçün nəzərdə tutulmuş immiqrant vizalarına təsir edib və turist və ya digər müvəqqəti vizalara şamil olunmayıb.