ABŞ-yə xəbərdarlıq etmişdik, amma... | Peskovdan ballistik raket hücumuna reaksiya

Rusiya “Oreşnik” ballistik raketinin buraxılmasına 30 dəqiqə qalmış Nüvə Riskinin Azaldılması Mərkəzi vasitəsilə ABŞ-yə avtomatik bildiriş göndərib.

Bu barədə Kremlin mətbuat katibi Dmitri Peskov bildirib.

Onun sözlərinə görə, Rusiya ABŞ-yə və ya digər ölkələrə “Oreşnik”in istifadəsi ilə bağlı əvvəlcədən xəbərdarlıq göndərməyib, çünki belə öhdəliklər yoxdur.

Bu arada, ABŞ administrasiyası son günlər Rusiyanın cavab zərbəsinə hazırlaşmaq üçün Ukrayna və müttəfiqləri ilə məsləhətləşib. Bu barədə Ağ Evin sözçüsü Karine Jan-Pyer bildirib.

Onun sözlərinə görə, ABŞ Rusiyanın Ukraynaya qarşı ortamənzilli ballistik raket buraxmasından xəbərdar idi.

“Son günlər biz Ukrayna, yaxın müttəfiqlərimiz və tərəfdaşlarımızla məsləhətləşdik ki, onlara hazırlaşmaqda kömək etsinlər”, – deyə Ağ Evin nümayəndəsi qeyd edib.

Eyni zamanda CNN məlumat yayıb ki, ABŞ Rusiyanın Ukraynaya strateji raketlə hücuma hazırlaşdığını əvvəlcədən bilib və bu barədə Kiyevə və digər dövlətlərin hökumətlərinə xəbərdarlıq edib.