Ağ Ev rəhbərindən qəribə reaksiya | Trampın Dubay planları üzə çıxdı

ABŞ Prezidenti Donald Tramp Səudiyyə Ərəbistanının vəliəhd şahzadəsi Məhəmməd bin Salmanla görüşüb. Görüş maraqlı məqamlarla yadda qalıb.

Əvvəla, Ağ Ev lideri görüş zamanı ona təqdim edilən qəhvəyə qəribə reaksiya verib. O, qəhvəni içmək yerinə fincanı əlində tutaraq ətrafa baxmağa başlayıb. ABŞ Prezidentinin bu hərəkəti mediada müzakirə mövzusuna çevirilib və birmənalı qarşılanmayıb.

Daha bir məqam isə Trampın beynəlxalq diplomatiyadan tutmuş şəxsi biznesə, girov danışıqlarına və investisiya sövdələşmələrinə qədər demək olar ki, hər prosesdə Körfəz ölkələrini özünə tərəfdaş seçməsidir.

Ənənəni pozan lider demokratik müttəfiqlərindən imtina edərək artıq 2-ci dəfədir ki, ərəb ölkələrinə yönəlib. Onun Qətər və BƏƏ-yə səfərləri də gözlənilir. Bundan əlavə, Trampın həm Dubay, həm də Dohada lüks mülklər tikdirəcəyinə dair xarici mediada informasiya paylaşılıb.

Bütün bunlar körfəz dövlətlərinin Ağ Evlə sıx əlaqədə olduğunu göstərir. Danışıqların görünməyən tərəfdaşlarından biri də Omandır. Belə ki, husilərlə sülhün əldə olunması üçün ABŞ tərəfi Omana müraciət edib.