Dünya
Pleyeri seçin:
Ağır qəzada yaralananların sayı artdı | Torontodakı hadisə barədə detallar
Kanadanın Ontario əyalətinin Toronto hava limanında ABŞ-nin “Delta Airlines” şirkətinə məxsus sərnişin təyyarəsi eniş zamanı çevrilib.
Qəza nəticəsində hava gəmisində olan 80 nəfərdən azı 18-i yaralanıb.
Bu barədə “Reuters” agentliyi məlumat yayıb.
Daha əvvəl səkkiz nəfərin xəsarət aldığı, onlardan üçünün, o cümlədən bir uşağın vəziyyətinin kritik olduğu bildirilirdi.
ABŞ Federal Mülki Aviasiya İdarəsi təyyarədə olan 80 nəfərin hamısının təxliyə edildiyini, ölən olmadığını təsdiqləyib.
İlkin versiyaya görə, qəzaya güclü yan küləyin səbəb olduğu, hava gəmisinin qarlı zolağa bu şəraitdə eniş etdiyi bildirilir. Hadisə yerində təcili fövqəladə hallar xidmətinin əməkdaşları işləyirlər.
Məlumata görə, təyyarə qarlı uçuş-eniş zolağının buzlaşması səbəbindən çevrilib. Hadisənin dəqiq səbəbləri araşdırma nəticəsində müəyyən ediləcək.
Kopyalandı
Seçilmişlər
