Pleyeri seçin:
Ağlasığmaz hadisənin səbəbi | İnsanlar niyə günlərlə dayanmadan oynadılar?
Xəbərlərimizi Google-da izləyin
Yeniliklərdən dərhal xəbərdar olun
XVI əsrin əvvəllərində Strasburqda izahı mümkün olmayan bir xəstəlik yayılıb. Sonralar bu xəstəlik “Rəqs edən taun” adı ilə tarixə düşüb.
Bu rəqs epidemiyası 1518-ci ilin iyul ayında madam Frau Troffea adlı qadının Strasburq küçələrinə çıxaraq heç bir səbəb olmadan musiqisiz rəqs etməyi ilə başlayıb. Küçədə səbəbsiz rəqs edən qadının bədəni sadəcə olaraq qıcolmaya bənzəyən müxtəlif impulsiv hərəkətlər edib.
Dayanmayan küçə rəqsinə bir ay müddətində 400-ə yaxın adam qoşulur. Tarixi faktlarda deyilir ki, günlərlə rəqs edən adamlar heç nə yemirdilər. Onların bir çoxu yalnız enerjiləri tamamilə tükəndikdə, insult keçirdikdə, yaxud infarkt olduqda dayanırdılar. Beləliklə, “Rəqs edən taun” bütün şəhəri bürüyür.
Şəhər rəhbərliyi və zadəganlar rəqs yerlərinin sayını artırmaq, qadağan olunmuş musiqi alətlərini hər yanda səsləndirmək və daha çox insanı rəqslərə cəlb etməklə bütün şəhər sakinlərini yorub birdəfəlik sakitləşdirməyə çalışıblar. Lakin vəziyyət daha da pisləşib, insanlar dayanmadan gecə-gündüz rəqs edib, bəziləri bu intensivliyə tab gətirməyərək ölüblər.
Bu əcaib rəqslər xanım F.Troffeanın ölümündən bir ay sonra heç nə olmamış kimi öz-özünə dayanır. Sonradan məlum olur ki, rəqs vəbası 400-ə yaxın insanın həyatına son qoyub.
Araşdırma nəticəsində məlum olub ki, kiflənmiş çovdar unundan hazırlanan çörəklə birlikdə bədənə daxil olan ergot göbələyi ilə zəhərlənmə nəticəsində yaranan hallüsinasiya və qıcolmalar insanları bu cür qeyri-adi hərəkətlərə gətirib çıxarıb.
Kopyalandı
Seçilmişlər
