Albaniyadakı mitinqdə gərgin anlar yaşandı

Balkanlarda siyasi sular durulmaq bilmir. Baku TV-nin "Dünya" xəbərlərinə görə, Albaniyadakı mitinqdə gərgin anlar yaşanıb. Paytaxt Tiranada müxalifət tərəfdarlarının hökumət binaları qarşısına toplaşması ilə başlayan aksiya qısa müddətdə polislə fiziki qarşıdurmaya çevrilib. Nümayişçilər korrupsiya ittihamları və iqtisadi islahatların ləngiməsi səbəbilə baş nazirin istefasını tələb ediblər.

Məlumata əsasən, aksiya zamanı nümayişçilər hökumət binasına tüstü şaşqaları və müxtəlif əşyalar atıblar, təhlükəsizlik qüvvələri isə kütləni dağıtmaq üçün gözyaşardıcı qazdan istifadə edib. Videoda aksiya iştirakçıları ilə xüsusi təyinatlı polis qüvvələri arasındakı qarşıdurmanın ən qaynar nöqtələri, xəsarət alanlar və saxlanılanlar barədə son görüntülər yer alır. Beynəlxalq müşahidəçilər Albaniyadakı bu gərginliyin ölkənin Avropa İttifaqına inteqrasiya prosesinə mənfi təsir göstərə biləcəyindən narahatlıqlarını ifadə ediblər.