Alimlərdən kütləvi məhv hadisəsi ilə bağlı araşdırma

02 iyun 2025 355 baxış

Elm adamları 400 milyon il əvvəl baş vermiş sirli kütləvi məhv hadisəsini araşdırırlar: bu dövrdə Yer kürəsindəki canlı növlərinin 85%-i yox olub. Maraqlıdır ki, nə asteroid zərbəsi, nə də vulkan püskürməsi bu məhvə səbəb olub.

Bu barədə "IFLScience" xəbər yayıb.

Qeyd olunur ki, hadisə Ordivik dövrünün sonunda baş verib. O zaman isə həyat əsasən okeanların dərinliklərində cəmlənmişdi. Məhz bu dövrdə dəniz ulduzları, korallar və digər canlılar sürətlə təkamül etmişdi. Lakin sonrakı dəyişikliklər ‒ əvvəlcə sürətli soyuma, sonra isə yenidən istiləşmə həyat üçün fəlakətli nəticələr doğurub.

Alimlərin ehtimalına görə, ilk olaraq yosun və mamırların quruda inkişafı karbonu azaltdı və bu, qlobal soyumanı tətiklədi. Ardınca baş verən istiləşmə isə okeanlarda oksigen çatışmazlığına gətirib çıxardı. Bu da minlərlə növün məhvinə səbəb oldu.

Sirli fəlakət elm tarixində ən böyük kütləvi yoxolmalardan biri sayılır.

#Yer kürəsi