Planetin bütün buzlaqları tam ərisə, nə baş verəcək?

Yer kürəsindəki bütün buzlaqların tam əriməsi Dünya okeanının səviyyəsinin 150 metr qalxmasına səbəb ola bilər, lakin yaxın əsrlərdə belə bir ssenari gözlənilmir.

Bu barədə Arktika və Antarktika Elmi-Tədqiqat İnstitutunun əməkdaşı Anna Kozaçek məlumat verib.

"Tədqiqatçıların hesablamalarına görə, planetin bütün buzlaqları tam əriyərsə, dəniz səviyyəsi 60 metr qalxa bilər. Suyun istilik genişlənməsi nəzərə alınmaqla isə bu rəqəm 150 metrə çata bilər", – deyə Kozaçek bildirib.

Eyni zamanda ekspert vurğulayıb ki, belə bir fəlakətli ssenarinin yaxın bir neçə əsrdə reallaşacağını gözləmək lazım deyil. Bununla yanaşı, o, qlobal su səviyyəsinin yüksəlmə prosesinin artıq getdiyini qeyd edib.

Alimin sözlərinə görə, 1900-cü ildən bəri səviyyə təxminən 25 sm artıb, hazırkı artım sürəti isə orta hesabla ildə təxminən 3 mm təşkil edir.

Məlumata görə, Dünya okeanında temperaturun sistematik artması dəniz canlılarının populyasiyasının azalmasına gətirib çıxarır. Temperaturun dəyişməsi dəniz həyatının azalmasına doğru heyrətləndirici və son dərəcə narahatedici tendensiyanı nümayiş etdirir.