Almaniya Qəzza üçün nə qədər maliyyə vəsaiti ayıracaq?

Almaniya Qəzza bölgəsinə hava yolu ilə humanitar yardımların çatdırılmasına başlayıb.

İlk iki uçuşda ümumilikdə 14 ton ərzaq və tibbi yardım vasitəsinin Qəzza üzərində havadan atıldığı bildirilib.

Almaniya əlavə maliyyə yardımı da vəd edib. Xarici işlər naziri Yohann Vadeful 5 milyon avro ayrılacağını diqqətə çatdırıb.

İtaliya isə Qəzza bölgəsinə hava yolu ilə humanitar yardımın çatdırılmasına avqustun 9-da başlayacaq.

Ölkənin müdafiə naziri Quido Krosetto faktı təsdiqləyib.

Bölgəyə ixtisaslaşmış hərbi bölmə göndəriləcək. Bu bölmə hazırlıq işlərinə və yerli hakimiyyət orqanları ilə əlaqəyə cavabdeh olacaq.

Bu arada beynəlxalq təşkilatlar havadan yardımın effektiv olmadığını qeyd edir. Çünki bu yolla az miqdarda ərzaq göndərilir və xərclər çox yüksəkdir.

Vurğulanır ki, quru yolu ilə edilən yardımlardan fərqli olaraq havadan atılan ərzaqlar konkret insanlara çatdırıla bilmir.