Almaniyada elektrik şəbəkəsi və infrastrukturun mühafizəsi gücləndiriləcək

Almaniya Kansleri Fridrix Merts ölkə hökumətinin elektrik şəbəkəsi də daxil olmaqla, kritik infrastrukturun mümkün hücumlardan qorunmasını gücləndirmək niyyətində olduğunu açıqlayıb.

O bu açıqlamanı cari ildə koalisiya komitəsinin ilk iclasından sonra verib.

"Hər şeydən əvvəl bu o deməkdir ki, biz artıq bu infrastruktur haqqında məlumatları ictimaiyyət üçün bu qədər asanlıqla əldə etməməliyik", – deyə Fridrix Merts bildirib.

Onun sözlərinə görə, bu, xüsusən geoməlumatlara və təhlükəsizlik məsələləri ilə bağlı digər informasiyalara aiddir.

"Həddindən artıq şəffaflıqdan uzaqlaşıb, daha böyük dayanıqlığa doğru hərəkət etməliyik", – Kansler vurğulayıb.

F.Merts qeyd edib ki, federal və ərazi hökumətləri gələcəkdə kritik infrastruktur haqqında açıqlanacaq məlumatların əhatə dairəsini yenidən nəzərdən keçirməlidir.