Antarktikada nəhəng buz kütləsi qopub - BAKU TV

Antarktikada güclü sel nəticəsində nəhəng buz kütləsinin qopduğu açıqlanıb.

Paris şəhərindən 15 dəfə böyük, Londonla isə eyni ölçüdə olan aysberq Antarktika buz şelfindən qopub. Hadisə Britaniyanın Halley tədqiqat stansiyası yaxınlığında baş verib. Təxminən 600 kvadratmil, yəni 1550 kvadratkilometr sahəsi olan aysberq qalınlığı 150 metr olan Brant buz şelfindən ayrılıb.

Britaniyanın qütb tədqiqat institutu “British Antarctic Survey” Antarktikanın istiləşmə təhlükəsi ilə üzləşməsinə baxmayaraq, bunun iqlim dəyişikliyi ilə bağlı olmadığını açıqlayıb. İki il əvvəl eyni ərazidə, demək olar ki, eyni ölçüdə aysberq yaranmışdı. 2017-ci ildə buz təbəqəsindən qopan başqa bir aysberq isə 2021-ci ildə 4000 kilometr şimala doğru tamamilə əriyib və 150 milyard tondan çox qida ilə zəngin şirin suyun dənizə axmasına səbəb olub.