Arayik Arutyunyan məmurlarla bağlı əmr imzaladı | Paşinyanın çıxışı aranı qatdı
Ermənistanın Baş nazirinin aparat rəhbəri Arayik Arutyunyan məmurların Belarusa səfərlərini qadağan edən əmr imzalayıb.
Bu barədə ölkə mətbuatında məlumat yer alıb.
Bildirilib ki, bu addım Baş nazir Nikol Paşinyanın parlamentdə çıxış edərkən Belarus Prezidenti Aleksandr Lukaşenkonun hakimiyyəti müddətində bu ölkəyə getməyəcəyinə dair verdiyi açıqlamadan sonra atılıb.
Məlumatda qərarın artıq dərc olunduğu da bildirilib. Qeyd olunub ki, bu qərar Belarus Prezidentinin Azərbaycana səfəri zamanı Qarabağ müharibəsi ilə bağlı verdiyi açıqlamalarla əlaqəlidir. Ermənistan mətbuatında A.Arutyunyanın dövlət qurumlarının rəhbərlərinə və nazirlərə ünvanladığı sərəncamın fotosu da yayılıb.
Xatırladaq ki, Ermənistan Xarici İşlər Nazirliyi Belarusdakı səfirini məsləhətləşmələr üçün geri İrəvana çağırıb.
#Ermənistan teqi istifadə olunub
- Prezidentin köməkçisi XIII Qlobal Bakı Forumunda çıxış edib
- “Bu siyasi razılaşma düzgün istiqamətdə atılmış addımdır” | Şarl Mişel
- Azərbaycanın müharibə aparanlarla paylaşa biləcəyi daha bir təcrübə - Baku TV
- İlham Əliyev hazırda dünyada baş verənlərə münasibət bildirdi - Baku TV
- Daşımalar ikitərəfli gündəliyimizin mühüm hissəsidir | Prezident İlham Əliyev - Baku TV
