Arılar yox olmaq təhlükəsi ilə üz-üzə | Elə risklər var ki...

Alimlər arı populyasiyasının müharibələr və mikroplastiklər kimi yeni təhlükələr səbəbindən yox olma riski ilə üzləşdiyini bildiriblər.

Ridinq Universitetinin rəhbərliyi ilə hazırlanmış yeni hesabatda qarşıdakı 10 il ərzində tozlayıcı canlıların sayını azalda biləcək 12 yeni təhlükə müəyyən edilib.

Bu risklər arasında müharibələr, mikroplastik çirkliliyi, süni işıqlandırma, antibiotik qalıqları və pestisid qarışıqları ön plana çıxır.

Məsələn, Ukraynadakı müharibə kimi qarşıdurmalar ölkələri daha az növdə məhsul yetişdirməyə məcbur edir. Bu da arıların mövsüm boyunca müxtəlif qida mənbələrinə çıxışını məhdudlaşdırır.

Hesabatda arıların qorunması üçün bəzi həll yolları da qeyd olunub. Bunlara antibiotik çirkliliyinə qarşı daha sərt qanunların qəbul edilməsi, hava çirkliliyini azaltmaq məqsədilə elektrikli nəqliyyat vasitələrinin yayılması və daha çox polen istehsal edən bitkilərin əkilməsi kimi tədbirlər daxildir.