Atasına oxşamamaq üçün 10 arvadı, 98 uşağı oldu

Uqandada yaşayan Musa Kasera çoxuşaqlı olması ilə məşhurlaşıb.

Belə ki, onun 98 övladı, 580 nəvəsi və 10 həyat yoldaşı var. Musa bildirib ki, əvvəl 12 həyat yoldaşı olsa da, maddi çətinliklərə görə onlardan ikisi ilə ayrılıb. O, hazırda 10 həyat yoldaşı ilə birlikdə eyni evdə yaşayır.

“Mən 2 uşaqlı ailədə böyümüşəm. Böyüyəndə atama bənzəməməyə qərar verdim. Sonra başa düşdüm ki, çox böyük səhv etmişəm, çünki uşaqlarımın hamısına baxmaq mənə çox baha başa gəlir. Təhsil haqqını ödəyə bilmədiyim üçün uşaqlarımı məktəbə göndərə bilmirəm, onları qida və geyimlə də təmin edə bilmirəm”, - deyə M.Kasera qeyd edib.

O, maddi çətinliklərə görə artıq övlad sahibi olmaq istəmir. Digər maraqlı məqam odur ki, M.Kasera yalnız ilk 2 övladının adını xatırlayır. Digər uşaqlarının adını yadına salmaq üçün dəftərdən istifadə edir.

Qeyd edək ki, 76 yaşlı atanın əvvəl 102 övladı olsa da, onlardan 4-ü sonradan dünyasını dəyişib.