Atıcı təcrübəli idi, hücumdan əvvəl... | Trampa qarşı sui-qəsdin pərdəarxası

“Donald Trampa sui-qəsd cəhdi edən atıcı təcrübəli olub və ehtimal ki, hücumdan əvvəl təlim keçib”.

Bunu odlu silahlar və döyüş sursatları üzrə amerikalı ekspert Lars Vinkelsdorf “Bild”ə Donald Trampa sui-qəsd cəhdinin videosunu təhlil etdikdən sonra deyib.

“O, ilk atəşlə D.Trampı vurdu. Güllənin ancaq onun qulağına dəyməsi D.Trampın bəxtinin gətirməsidir. Atıcının fikrincə güllə dörd santimetr sağa getsəydi, o zaman güllə D.Trampın başına dəyəcək və ABŞ-nin keçmiş prezidenti çox güman ki, ölmüş olacaqdı. Atıcı təcrübəli və silahlardan anlayışı olan biridir. O, D.Trampdan təxminən 135 metr aralıda damda uzanmışdı. Siz sadəcə atəş aça bilməzsiniz, bu çətindir. Bunu etmək üçün təcrübə və xüsusi biliyə sahib olmaq lazımdır. Baş kiçik bir hədəfə bənzəyir, optika olmadan onu vurmaq çətindir. Bundan əlavə, qatil çox güman ki, xüsusi sursatdan istifadə edib”, – o bildirib.

Mütəxəssisin fikrincə, atıcı hədəfdən çox az yayınıb ki, bu da güclü külək nəticəsində baş verə bilər.