Atom bombasına malik bəzi ölkələr Avropa və ABŞ-yə qarşı birləşir?

Qlobal siyasi arenada gərginlik pik həddə çatıb. Baku TV-nin "Global Panorama" verilişində nüvə silahına malik bəzi dövlətlərin ABŞ və Avropanın iqtisadi-siyasi dominantlığına qarşı birləşməsi mövzusu geniş təhlil olunub. Materialda qeyd olunur ki, Donald Trampın iqtisadi "atom bombası" adlandırılan yeni gömrük rüsumları qərarı Çin, Rusiya və digər gücləri Qərbə qarşı yeni strateji ittifaqlar qurmağa sövq edir. Nüvə arsenalına sahib olan bu ölkələrin birgə addımları həm hərbi, həm də iqtisadi təhlükəsizlik arxitekturasını kökündən dəyişə bilər. Ekspertlər bu birləşmənin qlobal ticarət dövriyyəsinə və enerji bazarlarına göstərəcəyi təsirləri, eləcə də regionda yeni münaqişə ocaqlarının yaranma ehtimalını qiymətləndirirlər. Vaşinqtonun "öncə Amerika" siyasətinə qarşı dünyanın digər qütblərinin verəcəyi cavab Baku TV-nin xüsusi reportajında bütün detalları ilə əks olunub.