Avropa danışıqlar üçün heç bir zəmin yaratmır | Lavrov

“Ukrayna üçün cəbhədə vəziyyətin pisləşdiyini Qərb anlayır”.

Bunu Rusiyanın xarici işlər naziri Sergey Lavrov Bosniya televiziyasına müsahibəsində deyib.

“İndi Qərbin ağzından Ukrayna üçün işlərin getdikcə çətinləşdiyi barədə etiraflar eşidirik. Amma ölkələrdən Ukraynaya silahlar getməkdə davam edir”, – deyə S.Lavrov bildirib.

O qeyd edib ki, Pentaqon rəhbəri Lloyd Austin bir neçə gün əvvəl heç vaxt məğlub olmayacaqlarını demişdi.

“Yəni onlar artıq Rusiyanı məğlub etməkdən danışmırlar, onların əziyyət çəkməsinin qarşısını almaqdan danışırlar”, – deyə Rusiyanın xarici işlər naziri əlavə edib.

S.Lavrov eyni zamanda Avropanın Rusiya ilə danışıqlar üçün zəmin yaratmamasından gileylənib.

O bildirib ki, Rusiya ilə Qərbi Avropa ölkələri arasında dialoq o zaman baş verə bilər ki, onlar onu maraqlar balansını qoruyaraq aparmağa hazır olsunlar, lakin hələlik bunun üçün heç bir zəmin yoxdur.

Nazirin fikrincə, dialoq o zaman uğurlu ola bilər ki, Qərbi Avropa ölkələri hamını və hər şeyi özünə tabe etmək, digər regionların, istər Cənubi Qafqaz, istərsə də Mərkəzi Asiyanın işlərinə qarışmaq kimi müstəmləkəçilik siyasətinin tam mənasızlığını dərk etsin.

“Onlar öz əməkdaşlığını güc balansı üzərində deyil, qanuni maraqlar balansı üzərində qurmağa hazır olduqda, perspektivli söhbət baş tuta bilər”, – deyə S.Lavrov vurğulayıb.