Avropa döyüşə hazırlaşır? | Macarıstan Ukraynanın maliyyələşdirilməsinə qarşı çıxır - Baku TV

25 yanvar 2026 17 baxış

Avropa İttifaqı lazım olduqda Ukraynaya qoşun göndərilməsinə imkan verən imzalanmış sənədə malikdir.

Bunu Macarıstanın Baş naziri Viktor Orban hakim partiya fəallarının toplantısında çıxışı zamanı bəyan edib.

“Hətta indi də lazım olduqda əsgərlərin Ukraynaya göndəriləcəyi haqqında imzalanmış saziş var. Beləliklə, Avropa döyüş əməliyyatlarına getməyə hazırlaşmır, artıq gedib”, – V.Orban qeyd edib.

Onun sözlərinə görə, mövcud vəziyyətdə gündəmdə olan sual bunun nəticələrinin Avropa vətəndaşlarının həyatına nə qədər tez təsir edəcəyi ilə bağlıdır.

Baş nazir vurğulayıb ki, o, yaxın on il ərzində Rusiya-Ukrayna müharibəsinin və Ukrayna dövlətinin maliyyələşdirilməsinə qarşıdır.

V.Orban xatırladıb ki, son dörd il ərzində Avropa İttifaqı Ukraynaya dəstək məqsədilə 195 milyard avro xərcləyib, indi isə Aİ 2026-2027-ci illərdə Ukraynaya 90 milyard avro məbləğində faizsiz “hərbi kredit” ayırmağı planlaşdırır.

#Avropa İttifaqı