Avtomobil və təyyarələr benzin əvəzinə bu yolla işə düşəcək

Kembric Universitetinin alimləri hava çirkliliyini yanacağa çevirmək üçün Günəş enerjisi ilə işləyən cihaz hazırlayıblar.

Bu yeni reaktor atmosferdəki karbon dioksidi (CO2) sintetik yanacağa çevirərək avtomobillər və təyyarələr üçün alternativ yanacaq təmin etməyə imkan verir.

Cihaz fotosintez prosesində olduğu kimi heç bir naqil və ya batareya tələb etmədən fəaliyyət göstərir. Texnologiya mövcud karbon dioksidi tutma və saxlama üsullarına alternativ kimi təklif olunur və iqlim böhranına qarşı yeni bir həll təklif edir.

Kembric Universitetinin Kimya Departamentindən Yusif Hamid Sayan Kar karbon dioksidin atmosferdən çıxarılaraq təmiz enerji istehsalında istifadə edilə biləcəyini vurğulayıb.

Cihaz gecə vaxtı havadakı karbonu xüsusi filtrlər vasitəsilə udaraq gün ərzində günəş işığının təsiri ilə kimyəvi reaksiyaya məruz qoyur və onu benzinə alternativ olan sintetik yanacağa çevirir.

Tədqiqata rəhbərlik edən professor Ervin Reisner bildirib ki, qalıq yanacaqları yandırmağa davam etmək əvəzinə ehtiyac duyduğumuz bütün karbon dioksidi birbaşa havada tuta və yenidən istifadə edə bilərik. Bu yanaşma ilə davamlı iqtisadiyyat da qurmaq mümkündür.