Bağdad Suriyadakı vəziyyəti diqqətlə izləyir | İraq XİN rəhbərindən xəbərdarlıq

10 mart 2025 267 baxış

“Yaxın Şərqdə İŞİD terror qruplaşmasının üzvlərinin sayı artır və silahlılarla mübarizə üçün regional ittifaq lazımdır”.

Bunu İraqın xarici işlər naziri Fuad Hüseyn bəyan edib.

Onun fikrincə, regiondakı qonşu ölkələr yaraqlıların fəaliyyəti ilə bağlı kəşfiyyat məlumatları mübadiləsi aparmalı və təkcə xarici işlər nazirləri deyil, həm də müdafiə nazirləri və kəşfiyyat rəhbərləri səviyyəsində daimi əlaqə saxlamalıdırlar.

“Bölgədə İŞİD-çilərin sayının, terrorçuların ixtiyarında olan silahların miqdarının və nəzarət etdikləri ərazilərin artdığını görürük. Bu baxımdan bizə regional səviyyədə terror təhlükəsi ilə mübarizə aparacaq və beynəlxalq ictimaiyyətin dəstəyini alacaq bir təşkilat lazımdır”, – deyə iraqlı nazir bildirib.

Fuad Hüseyn qeyd edib ki, Bağdad Suriyadakı vəziyyəti diqqətlə izləyir, çünki İraqdakı daxili siyasi vəziyyət oradakı vəziyyətdən əhəmiyyətli dərəcədə asılıdır.

#Yaxın Şərq