Baqrat agent çıxdı? - Ermənistandakı etirazların arxasındakı qüvvələr açıqlandı

“Transhumanizm ideologiyası ilə mübarizə aparmaq üçün Ermənistanda “siyasi xristianlıq” yarana bilər”.

Bunu Ermənistanda baş verən proseslərlə bağlı rusiyalı politoloq, şərqşünas, iranşünas Karine Gevorqyan deyib.

Onun fikrincə, Ermənistanda Paşinyan hökumətinə qarşı hazırkı etirazlar iki məqamı üzə çıxarır:

“Birincisi, xalqın diqqətini dar siyasi mövzulara yönəldən keşişin etirazlara rəhbərlik etməsidir. Arxiyepiskop Qalstanyan spekulyativ milli şüarlardan çəkinərək narazılıq problemini etik və ontoloji problemlərin həlli zərurətinə çevirdi. Başqa sözlə, əvvəllər dünya dinləri arasında “siyasi islam” fəal idisə, bəlkə də Ermənistanda transhumanizm ideologiyasına qarşı “post insan” qəddarlığı ilə mübarizə aparmaq üçün “siyasi xristianlıq” yaranır.

Bəzi analitiklərə görə, bu hərəkatın nəticəsi impiçmentin mümkünsüzlüyü və şiddətli repressiya riski ilə uğursuzluğa məhkum görünə bilər, lakin etirazı Amerika və Avropa da daxil olmaqla nüfuzlu diaspor icmaları dəstəkləyir. Hakimiyyətin arxiyepiskop Baqratı “Kreml agenti” və Köçəryanın və ya Sərkisyanın tərəfdarı kimi təqdim etmək cəhdləri uğursuz alınıb. Qərb çox güman ki, Paşinyanın diasporla əlaqə qura bilməməsini bağışlamayacaq. Buna görə də nəinki onu xilas etməyəcək, həm də ondan yaxa qurtarmaqda maraqlıdır, təbii ki, bütün günahı Rusiyanın üstünə ataraq”.