Bayden faciəvi hadisəyə görə səfərini təxirə saldı | Təcili qərar verildi ki...

ABŞ-nin Los-Anceles şəhərindəki meşə yanğınlarının miqyası daha da genişlənib.

Buna görə ərazidəki 130 min nəfərin təxliyəsinə başlanılıb. Təkcə “Hollywood” ərazisində 20 hektara yaxın yaşıllıq tamamilə məhv olub. Yanğının əhatə dairəsi ümumilikdə 6406 hektara çatıb.

Hadisə nəticəsində mindən çox tikili məhv olub, o cümlədən bir çox məşhurun villası yanğından zərər görüb. Alovu ram etməyə çalışan 5 yanğınsöndürən həlak olub.

Meşə yanğınları nəticəsində 1 milyon şəxs elektriksiz qalıb. Hadisə ilə əlaqədar Los-Anceles və ətraf ərazilərdəki məktəblərdə tədris qeyri-müəyyən müddətə dayandırılıb.

“Oskar” mükafatının təqdimetmə mərasiminin keçiriləcəyi məkan da yanğınların baş verdiyi ərazidə yerləşdiyindən tədbir təxirə salınıb.

Onu da qeyd edək ki, ABŞ Prezidenti Cozef Bayden Kaliforniyadakı yanğınlara görə İtaliyaya planlaşdırılan səfərini təxirə salıb.