BƏƏ səfirini geri çağırdı | Hansı ölkələrdə etirazlar başladı? - Baku TV

Pakistanın bir neçə şəhərində İranın Ali Dini Lideri Əli Xameneinin ölümü ilə bağlı yayılan xəbərlərdən sonra baş verən etirazlarda azı 36 nəfər həlak olub.

Məlumata görə, Karaçi və Peşəvərdə yüzlərlə insan ABŞ konsulluğuna hücum edib.

Bildirilib ki, etirazçılar əsas qapının qarşısında bir avtomobili yandırıb. Hadisə zamanı gözyaşardıcı qazdan istifadə olunub.

Etirazçılar Xameneinin şəkillərini qaldıraraq ABŞ əleyhinə şüarlar səsləndiriblər. Bundan əlavə, Skardu şəhərində etirazçılar BMT-nin ofis binasını yandırıblar.

Qeyd edək ki, İraqın paytaxtı Bağdad şəhərində də etirazçılar ABŞ səfirliyinə hücum ediblər. Nəticədə təhlükəsizlik qüvvələri ilə etirazçılar arasında toqquşma baş verib.

Həmçinin əlavə edək ki, Birləşmiş Ərəb Əmirlikləri (BƏƏ) regionda gərginliyin artması fonunda Tehrandakı səfirliyini bağladığını və səfirini məsləhətləşmələr üçün geri çağırdığını elan edib. Bildirilir ki, qərar bölgədə raket zərbələrindən sonra vəziyyətin kəskinləşməsi fonunda qəbul edilib.