Dünya
Pleyeri seçin:
Belarusla sərhəddə yeni qurğular quraşdırılır | Polşa Baş nazirindən sərt bəyanat
Polşa Belarusla sərhəddə fortifikasiya qurğularının inşasına başlayıb.
Bu barədə xarici mediada xəbərlər yayılıb. Bunu Polşanın Baş naziri Donald Tusk bəyan edib.
O bildirib ki, ölkəsi bu layihənin maliyyələşdirilməsində Avropa İttifaqının da iştirakına ümid edir. Onun sözlərinə görə, ölkənin müdafiəsi üçün bütün zəruri addımlar atılacaq.
Hökumət başçısı həmçinin Belarusun rəsmi Varşava əleyhinə siyasətini kəskin tənqid edib.
“Hazırda sərhəddəki gərgin vəziyyətə görə Belarus məsuliyyət daşıyır. Oradakı hakimiyyət miqrantların istismarı ilə məşğul olmaqla yanaşı, siyasətlə əlaqəsi olmayan şəxsləri siyasi mühacir kimi qeydiyyata alır və onlar sərhəd zonalarında yerləşdirilir.
Bu faktor vətəndaşlarımızın təhlükəsizliyinə təhdid yaradır. Həmçinin Rusiya-Ukrayna müharibəsi sərhədlərdə təhlükəsizlik amilinə diqqət yetirməyi zəruri edir”, – deyə Donald Tusk əlavə edib.
Kopyalandı
Seçilmişlər
