Belqorod sakinindən Putinə ağlayaraq etiraz

Bir ildən çoxdur dünya gündəmini zəbt edən Rusiya-Ukrayna müharibəsi son günlər daha da gərginləşib. Müharibənin Rusiya ərazisinə keçməsi Belqorod sakinlərinin ciddi narazılığına səbəb olub.

Belə ki, şəhəri tərk etmək məcburiyyətində qalan rusiyalı qadın Prezident Valdimir Putinə müraciət edərək, ondan əhalini qorumasını tələb edib.

“Vladimir Vladimiroviç, biz sizə səs vermişik, inanmışıq, güvənmişik. Amma artıq belə yaşaya bilmirik, Belqorod vilayətinin Şebekino şəhərində hər gün atışma gedir. Uşaqlarımız qorxurlar, biz də artıq burada qalmağa qorxuruq. Bunun qarşısının alınması üçün heç bir tədbir görülmür. Bura Luqansk, Donbas deyil. Bura Rusiyadır, niyə biz Rusiyanın günahlarına görə cavab verməliyik?”, – deyə Belqorod sakini müraciətində bildirib.

Qeyd edək ki, Rusiya KİV-nin məlumatına görə, ukraynalı diversantlar Rusiyanın Belqorod vilayətini və ətraf kəndləri gün ərzində bir neçə dəfə raket və pilotsuz uçuş aparatları ilə atəşə tuturlar. Rəsmi Kiyev isə bütün ittihamları rədd edir.