Belqorod vilayəti atəş altında | Qubernatordan təcili açıqlama

Rusiyanın Belqorod vilayətinin atəşə tutulmasından sonra yaralanan 74 nəfər vilayət və paytaxt Moskva xəstəxanalarına yerləşdirilib.

Bu barədə Belqorod vilayətinin qubernatoru Vyaçeslav Qladkov açıqlama verib.

“Ümumilikdə yaralılardan 74-ü Moskva və Belqorod vilayətindəki xəstəxanalara yerləşdirilib, onlardan 20 nəfəri isə Moskva şəhərində reanimasiya şöbələrindədir. Hamısı təcrübəli həkimlərin nəzarəti altındadır”, – qubernator qeyd edib.

Qubernator həmçinin bildirib ki, yaşayış binası yaxınlığında mərminin partlaması nəticəsində bəzi mənzillərin şüşələri sınıb, 30-dan çox avtomobilə və xeyli sayda binaya ziyan dəyib.

Qeyd edək ki, Rusiya Belqorod vilayətinin Ukrayna qüvvələri tərəfindən atəşə tutulduğunu desə də, rəsmi Kiyev məlumatı təkzib edib.