Bill Qeytsdən gecikmiş koronavirus etirafı

“Maykrosoft” şirkətinin yaradıcısı, dünyanın ən zəngin insanlarından biri olan Bill Qeyts maraqlı etiraf edib.

Koronavirusla bağlı bəzi açıqlamalar verən iş adamı bildirib ki, əslində kütləvi qapanmalara ehtiyac yox imiş: “Biz dəhşətli səhvə yol vermişik. Biz insanları təhlükəli virusdan qorumaq istəyirdik və bu səbəbdən qapanmalara getdik. Doğrudur, xəstəliyin bu qədər sürətli yayılacağını ehtimal etmirdik, ancaq sonradan məlum oldu ki, virus tez yayılsa da, düşündüyümüzdən qat-qat az təhlükəlidir. COVID-19 yaşlı və xroniki xəstəliyi olan şəxslərə daha təsirli idi, nəinki gənclərə. Biz nə etdik? Təhsil ocaqlarını bağladıq, hər kəsi qapanmaya məcbur etdik. Bu, doğru deyildi”.

B.Qeytsin bu açıqlaması dünyada birmənalı qarşılanmayıb. Həqiqətən hər şey onun dediyi kimidirsə, nə səbəbdən kütləvi qapanmalarla bağlı qərarın verildiyi və insanların niyə təcrid edildiyi sual doğurur.