Bir qramı da insanı canından edir | Ölkələr buna görə hərəkətə keçir

Almaniyanın Frankfurt şəhərinin hakimiyyət orqanları ölümcül Çin narkotiki olan fentanilin yayılması ilə bağlı həyəcan təbili çalır.

“Bild” nəşri şəhərin opioid epidemiyası ilə üz-üzə olduğunu yazır.

Səlahiyyətlilər yoxlamalar aparıblar. Nəticələrə görə, artıq şəhərdə narkomanların 50%-dən çoxu ölümcül maddədən istifadə edir. 37 narkotik nümunəsi götürülüb. Onlardan 21-də fentanil aşkar edilib.

Qeyd olunur ki, Frankfurt ABŞ-nin bəzi şəhərlərində müşahidə olunan fentanil epidemiyasının astanasındadır. Bunu nəzərə alan rəhbərlik iyun ayında beynəlxalq konfrans keçirməyi qərara alıb. Orada xarici mütəxəssislərlə fentanil epidemiyası ilə necə mübarizə aparmağı müzakirə edəcəklər.

Qeyd edək ki, fentanil morfindən 100 dəfə güclü olan ölümcül opioiddir. Bu maddənin kiçik bir miqdarı insanı öldürmək üçün kifayətdir.