Pleyeri seçin:
Bolqarıstan hökuməti Polşanın hava məkanının pozulmasını pisləyib
Rusiyanın Bolqarıstandakı səfiri Eleonora Mitrofanova bu ölkənin Xarici İşlər Nazirliyinə çağırılıb və ona Polşada PUA insidenti ilə əlaqədar yazılı demarş təqdim edilib.
TASS-da yayılan məlumata görə, bu barədə Bolqarıstan Xarici İşlər Nazirliyinin bəyanatında deyilir.
Bəyanatda qeyd olunur ki, Bolqarıstan hökuməti Polşanın hava məkanının pozulmasını pisləyir və öz müttəfiqi, tərəfdaşı ilə həmrəyliyini ifadə edir.
Diplomatik idarə sentyabrın 13-də Rusiya PUA-sı tərəfindən Rumıniyanın hava məkanının pozulması ilə bağlı insidenti də analoji şəkildə şərh edib.
E.Mitrofanovanın sözlərinə görə, keçirilən görüşdə o bildirib ki, Rusiyanın Müdafiə Nazirliyi Polşada Rusiya PUA-larının olmasını rəsmən təkzib edib. Çünki qeyd olunan aparatların 700 kilometrdən artıq məsafəni qət edə bilməsi qeyri-mümkündür, həmçinin qarşıya Polşa ərazisində hədəflərin vurulması ilə bağlı heç bir tapşırıq qoyulmayıb.
Kopyalandı
#Rusiya səfirliyi teqi istifadə olunub
Seçilmişlər
