Britaniya və ABŞ rəsmilərinə balıq ovu səbəbindən xəbərdarlıq edildi

Böyük Britaniyanın xarici işlər naziri Devid Lemmi ABŞ-nin vitse-prezidenti Cey Di Venslə birlikdə lisenziya almadan balıq tutduğu üçün Ətraf Mühit Agentliyi tərəfindən rəsmi xəbərdarlıq alıb.

“Sky News” xəbər verir ki, Devid Lemmi avqustun 8-də Kent qraflığındakı iqamətgahında Cey Di Vens və onun övladlarını qonaq edərkən inzibati səhlənkarlıq səbəbindən balıq ovu üçün tələb olunan icazəni əldə etməyib. Daha sonra nazir səhvini başa düşərək özü bu barədə Agentliyə məlumat verib.

Xarici İşlər Nazirliyi sözçüsü bildirib ki, səhvini başa düşən Devid Lemmi daha sonra lisenziya əldə edib.

Qeyd edək ki, qanunvericiliyə əsasən, İngiltərə və Uelsdə 13 yaşdan yuxarı şəxslər şirin sularda balıq tutmaq üçün icazə almalıdırlar. Bu qaydanı pozanlar 2500 funtadək cərimə oluna bilərlər.