Brüsseldə təcili sammit | Aİ ölkələri dəstək məsələsini müzakirə edəcək - Baku TV

19 yanvar 2026 25 baxış

“Son hadisələrin əhəmiyyətini nəzərə alaraq və daha da əlaqələndirmə məqsədilə yaxın günlərdə Avropa Şurasının fövqəladə iclasını çağırmaq qərarına gəldim”.

Bunu Avropa İttifaqı Şurasının Prezidenti Antonio Koşta “X” hesabında yazıb.

Koşta qərarını Brüsseldə keçirilən Avropa Birliyi səfirlərinin görüşündən sonra açıqlayıb.

Aİ mənbələrinin məlumatına görə, görüş 22 yanvarda baş tuta bilər. Eyni zamanda dövlət və hökumət başçılarının şəxsən Brüsselə gələcəyi gözlənilir.

Aİ Şurasının sədrinin sözlərinə görə, Qrenlandiyadakı son hadisələrlə bağlı üzv dövlətlərlə aparılan məsləhətləşmələr Aİ ölkələrinin Danimarka və Qrenlandiyaya dəstək və həmrəyliyə olan güclü sadiqliyini, ABŞ liderinin elan etdiyi tariflərin tətbiqinin isə transatlantik münasibətlərə xələl gətirəcəyinə və Aİ-ABŞ ticarət müqaviləsi ilə uyğunsuz olacağına dair inamlarını təsdiqləyib.

#Avropa İttifaqı Şurası