Bu adanın sakinləri etiraza qalxdı, ara qarışdı | Fransadan təcili qərar

Fransanın yürütdüyü siyasət və kolonizatsiya sisteminin mövcud olduğu hər yerdə ixtişaşların baş qaldırması heç də təəccüblü məqam deyil.

Belə ki, bu dəfə etiraz dalğası Martinikdə qeydə alınıb.

Yerli sakinlər yaşayış minimumunun az, qiymətlərin baha, iş saatının çox olmasından narazıdırlar. Vəziyyət o həddə çatıb ki, polislə yerli sakinlər arasında çaxnaşma yaşanıb. Nəticədə 11 polis, 3 etirazçı güllə yarası alaraq xəstəxanaya yerləşdirilib. Bu barədə məlumat yerli mediada paylaşılıb.

Zorakılıqdan sonra Fort-de-Frans və Lamentin əyalətlərində komendant saatı elan edilib. Sözügedən ərazilərdə məhdudiyyətlər səhar saat 09:00-dan axşam saat 17:00-a qədər nəzərdə tutulub.

İlkin mərhələdə komendant saatı sentyabrın 23-nə kimi davam edəcək. Adaya əlavə hərbçilərin yerləşdirilməsi də gözlənilir.

Kaledoniyada da adaya cəlb olunan silahlılar ixtişaşların yaşanmamasına nəzarət etmək üçün gətirilmişdi. Amma sonda elə onlar özləri ixtişaşların baş “qəhrəmanına” və insan tələfatına yol açan əsas amilə səbəb oldular.