Bu, elə sürətli olacaq ki… | "SpaceNews"dan bütün dünyaya xəbərdarlıq

Pentaqon üçün yaradılmış “W-2” kapsulu fevralda Yerə düşəcək.

Bu barədə “SpaceNews” məlumat yayıb.

“Varda Space Industries”in yaratdığı kapsul “Rocket Lab Pioneer” platformasına əsaslanır.

Qurğu Yerin aşağı orbitində bir neçə həftə qalacaq, bundan sonra eniş edəcək və bu vaxt hipersəs sürəti alacaq. Kapsul Avstraliyanın cənubundakı poliqona düşməlidir.

Missiya hipersəs hərəkəti zamanı kapsulun ətrafında əmələ gələn plazmanın optik şüalanması haqqında məlumat toplayacaq ki, bu da ekstremal şəraitdə materialların və sistemlərin davranışı barədə informasiya verəcək. OSPREE “SpaceX”in “Transporter-12” missiyasının bir hissəsi olaraq buraxılıb.

Qeyd edək ki, Amerikanın “Rocket Lab” şirkəti 3 kosmik platformanın hazırlanacağını da açıqlayıb. Onlardan birincisi “Globalstar” operatoru və ABŞ Kosmik İnkişaf Agentliyi ilə əməkdaşlıq əsasında yaradılır. İkincisi “Varda Space Industries”dən suborbital kapsulun buraxılması kimi unikal missiyalar üçün nəzərdə tutulub. Üçüncü platforma avtomatik stansiyaların dərin kosmosa buraxılması üçün hazırlanır.