Bu əməliyyat anonsu hamını çaşbaş qoydu | Hindistan-Pakistan gərginliyində son vəziyyət

Hindistanla Pakistan arasında gərginlik davam edir. Pakistan “atəşkəsə nail olduq” desə də, Hindistanın “hərbi əməliyyatları davam etdirəcəyik” kimi bəyanat səsləndirməsi dünya ictimaiyyətini çaşqınlığa salır.

Bu arada Pakistan Silahlı Qüvvələrinin sözçüsü bildirib ki, Hindistana məxsus xeyli sayda silah-sursat anbarı zərərsizləşdirilib:

“26 hərbi hədəf, o cümlədən Hindistana məxsus terror obyektlərini məhv etdik. Onlar eskalasiya yaratmaq üçün öz istehkamlarını Cəmmu və Kəşmirdə qurmuşdu. Həmin istiqamətlərdən Pakistan ərazisinə soxulmağa cəhd ediblər. Hindistana məxsus aviasiya bazaları da aşkarlanıb. Onlar məhz həmin hərbi anbarlardan Pakistanı raket atəşinə tutaraq mülki insanların ölümünə səbəb olublar”.

Ən çox hücuma və təzyiqə məruz qalan isə hələ də Cəmmu və Kəşmir sakinləridir. Onlar Hindistan polisi tərəfindən öz evlərindən zor gücünə çıxarılır, yaşayış icazələrinin olmasına baxmayaraq sıxışdırılırlar.