Pleyeri seçin:
“Bu, misli görülməmiş olaydır” | Şimali Koreya liderindən gözlənilməz qərar
Cənubi Koreya Prezidentinin müşaviri Vi Son Lak Şimali Koreya lideri Kim Çen Inın digər xarici ölkələrin başçısıları ilə Çində keçiriləcək paradda gözlənilən iştirakını “misili görülməmiş olay” adlandırıb.
O, bu barədə Cənubi Koreyanın CBS radiosuna müsahibəsində bildirib.
Vi Son Lak deyib: “Bu, olduqca görünməmiş bir hadisədir. O, belə çoxtərəfli tədbirlərdə iştirak etməyib”.
KİV Kim Çen Inın 2011-ci ildə hakimiyyətə gəldikdən sonra ilk dəfə çoxtərəfli diplomatik tədbirdə iştirak edəcəyini yazıb. Bu, Şimali Koreya liderinin 11-ci xarici səfəri olacaq, o, artıq dörd dəfə Çinə səfər edib.
Qeyd edək ki, dünən Şimali Koreyanın dövlət mediası Kim Çen Inın Çinin İkinci Dünya müharibəsində Yaponiya üzərində qələbəsinin 80-ci ildönümü ilə bağlı Pekində keçiriləcək tədbirlərdə iştirak edəcəyini açıqlamışdı. Sentyabrın 3-də Çinin paytaxtında keçiriləcək hərbi parada 26 ölkənin başçısı qatılacaq.
Kopyalandı
