Dünya
Pleyeri seçin:
Bu ölkə Fələstini müstəqil dövlət kimi tanıdı | Meydandakı böyük oyunçulara baxmayaraq...
Fələstini müstəqil və suveren dövlət kimi tanıyan ölkələrin siyahısına biri də əlavə olunub.
İspaniya, Norveç və İrlandiyanın ardından bu dəfə Sloveniya Fələstini bir dövlət kimi tanıdığını rəsmən elan edib.
Ölkənin 90 yerlik parlamentində keçirilən səsvermədə sözügedən məsələ ilə bağlı sənəd 52 “lehinə” səslə təsdiqlənib. Qalan deputatlar isə səsvermədə iştirak etməyiblər.
“Sloveniyanın Fələstin dövlətinin müstəqiliyyini tanıması vacibdir. Bu, sadəcə olaraq, siyasi bir jest deyil, bundan qat-qat daha önəmlidir. Biz bir ölkə olaraq sübut edirik ki, heç kimdən qorxmuruq. Göstəririk ki, meydandakı böyük oyunçulara baxmayaraq, biz müharibədə haqlı tərəfin yanındayıq”, – Sloveniya Milli Assambleyasının üzvü Matey Tasner Vakovec bildirib.
Məlumat üçün bildirək ki, hazırda 140-dan çox ölkə, yəni Birləşmiş Millətlər Təşkilatına üzv dövlətlərdən üçdə ikisindən çoxu Fələstini müstəqil və suveren dövlət kimi tanıyır.
Kopyalandı
Seçilmişlər
