Bu ölkə Putinin əsəbləri ilə “oynayır” | Ukrayna üçün Putini əsəbiləşdirəcək qərar

11 aprel 2025 556 baxış

Böyük Britaniya 5 il müddətinə Ukrayna ərazisində qoşun yerləşdirmək imkanını nəzərdən keçirir.

Bu barədə “The Daily Telegraph” qəzeti mənbələrə istinadən məlumat yayıb.

London və Parisdə müzakirə olunan plana əsasən, münaqişə həll edildikdən sonra döyüşlərin bərpasının qarşısını almaq üçün çəkindirici vasitə kimi Qərb qoşunları Ukraynaya göndərilə bilər.

Nəşr qeyd edib ki, Fransa Ukrayna ərazisində Qərbin hərbi kontingentinin olacağı təqdirdə Rusiyanın gələcəkdə hərbi əməliyyata başlamağa risk etməyəcəyinə inanır. Ehtimal olunur ki, Kiyev hərbi imkanları bərpa etdikdən sonra Qərb qoşunlarını mərhələli şəkildə bu ölkədən çıxaracaq.

“The Daily Telegraph” əlavə edib ki, London və Parisin rəhbərlik etdiyi “istəklilər koalisiyası” quru qoşunlarını göndərməklə yanaşı, Ukraynanın hava və dəniz məkanının da mühafizəsini təmin etmək niyyətindədir.

#Böyük Britaniya