Bu ölkələr arasında sülh sazişinə nail olmaq üçün addım atıldı

29 dekabr 2025 308 baxış

Tailand və Kambocanın xarici işlər nazirləri Çinin Yunnan vilayətində ikigünlük danışıqlara start veriblər.

Bu barədə "Associated Press" xəbər verir.

Danışıqlarda əsas məqsəd iki ölkə orduları arasında əldə edilmiş atəşkəsdən sonra davamlı sülh sazişinə nail olmaqdır.

Çin tərəfi danışıqlar üçün meydan təqdim etməyə və Tailandla Kambocanın daha dərin təmaslar qurmasına şərait yaratmağa hazır olduğunu bəyan edib.

Çinin xarici işlər naziri hər iki ölkənin nazirləri ilə ayrı-ayrılıqda görüşlər keçirəcək, daha sonra üçtərəfli danışıqlar planlaşdırılıb.

Kamboca xarici işlər naziri Pekinə atəşkəs rejiminin dəstəklənməsindəki roluna görə təşəkkürünü bildirib.

Tailand Xarici İşlər Nazirliyindən verilən açıqlamada danışıqların uzunmüddətli atəşkəsə və davamlı sülh sazişinə gətirib çıxarmalı olduğu vurğulanıb. Tailandın xarici işlər naziri isə Çindəki görüşlərin Kambocanı münaqişəni yenidən başlatmaq cəhdlərindən çəkindirməli olduğunu qeyd edib.

#Kamboca