Pleyeri seçin:
Bu ölkələr İrandan tələb edir ki... | Vurulan təyyarə barədə qalmaqallı iddia
Xəbərlərimizi Google-da izləyin
Yeniliklərdən dərhal xəbərdar olun
İsveç, Böyük Britaniya, Kanada və Ukrayna İranı 2020-ci ildə Ukrayna Hava Yollarına məxsus “Boeing-737-800” təyyarəsinin vurulmasına görə məsuliyyəti öz üzərinə götürməyə çağırıb.
Bu barədə İsveçin xarici işlər naziri Mariya Malmer Stenqard deyib.
“Biz istəyirik ki, İran vurulmuş təyyarə ilə bağlı bütün hüquqi məsuliyyəti üzərinə götürsün”, – deyə o bildirib.
2023-cü ilin iyul ayında Böyük Britaniya, Kanada, İsveç və Ukrayna İrana qarşı 2020-ci ildə Ukraynanın “Boeing-737” sərnişin təyyarəsinin vurulması ilə bağlı BMT-nin Beynəlxalq Ədalət Məhkəməsinə iddia qaldırıb.
Ukrayna Hava Yollarının təyyarəsi 8 yanvar 2020-ci ildə Tehran Hava Limanından havaya qalxdıqdan sonra qəzaya uğrayıb. İran tərəfinin versiyasına görə, qəzanın səbəbkarı hava hücumundan müdafiə sisteminin operatorudur, çünki təyyarə düşmən hədəfi kimi tanınıb.
Qeyd edək ki, Tehran-Kiyev reysini icra edən “Boeing-737-800 МАX” sərnişin təyyarəsinin vurulması nəticəsində göyərtədəki 176 nəfər ölüb.
Kopyalandı
Seçilmişlər
