Bu ölkələrdən Fələstinə dəstək | Mühüm bəyanatlar verildi

Böyük Britaniya, Kanada və Avstraliya Fələstini dövlət kimi tanıyıb. Bununla bağlı hər 3 ölkənin hökumət rəsmisi bəyanat yayıb.

"Avstraliya müstəqil və suveren Fələstin dövlətini tanıyır". Bu sözləri Avstraliya Baş naziri Entoni Albaneze "X" sosial şəbəkəsində yazıb.

"Bu gün fələstinlilər və israillilər üçün sülh ümidini canlandırmaq və ikidövlətli həll üçün Birləşmiş Krallıq rəsmi olaraq Fələstin dövlətini tanıyır". Bu fikri isə Britaniyanın Baş naziri Keir Starmer söyləyib.

Kanada Baş naziri Mark Karni də Fələstinin müstəqilliyini tanımaqla bağlı bəyanat verib. O bildirib ki, rəsmi Ottova Fələstin dövlətini tanıyır və həm Fələstin, həm də İsrail üçün dinc gələcəyin qurulmasında tərəfdaşlığını təklif edir.

"Fələstin Administrasiyası əsaslı islahatların aparılması, 2026-cı ildə HƏMAS-ın heç bir rol oynaya bilməyəcəyi ümumi seçkilərin keçirilməsi və Fələstin dövlətinin demilitarizasiyası ilə bağlı birbaşa öhdəliklər götürüb. Kanada bu islahatların həyata keçirilməsinə dəstək vermək üçün səylərini gücləndirəcək", ‒ deyə bəyanatda qeyd olunub.