Bu ölkələrin canına qorxu düşdü | Görün hansı planlar hazırlanır...

Şimali Avropa ölkələri "Ümumi müdafiə" rejiminə keçməyə başlayıb. Soyuq müharibədən qalma sığınacaqlar təmizlənir və münaqişə baş verəcəyi halda qüvvələri yerləşdirmək planları hazırlanır.

Bu barədə "AP News" məlumat yayıb.

Qeyd olunur ki, bu, Ukraynadakı münaqişə fonunda baş verir. Öz ərazilərində hərbi əməliyyatların başlanmasından ehtiyatlanan Avropa ölkələri hərbi xərcləri artırmağa və "Ümumi müdafiə" konsepsiyasını təbliğ etməyə başlayıb. Bu konsepsiya istənilən təhlükədən qorunmaq üçün bütün cəmiyyətin səfərbər olmasını nəzərdə tutur. İkinci Dünya savaşı və soyuq müharibə dövründə istifadə edilən fabriklər və bomba sığınacaqları yenidən təchiz olunmağa başlayır. Digər işlərlə yanaşı, orada yeni peyk rabitə sistemi qurulur. Bundan əlavə, bəzi pivə zavodları molotov kokteyli istehsalına keçib, bir sıra məktəblərdə isə sığınacaqlar tikilib.