Bu qaydalar sərtləşdirilir | Rusiya polisindən açıqlama

Əcnəbilərin Rusiyada qalmasına nəzarət gücləndirilir.

Bu barədə Rusiyanın daxili işlər naziri Vladimir Kolokoltsev məlumat verib.

Bildirilib ki, artıq məsələ ilə bağlı miqrasiya islahatı hazırlanır. Onun sözlərinə görə, nazirliyin fəaliyyəti xarici vətəndaşların Rusiyada qalmasına nəzarəti gücləndirməyə yönəlib. Nazir bildirib ki, miqrasiya islahatı apararkən ksenofobiyanın artmasına yol vermək olmaz.

V.Kolokoltsev həmçinin Rusiyada əcnəbilər tərəfindən törədilən cinayətlərin ümumi cinayətlərin 4%-ni təşkil etdiyini söyləyib.

Qeyd edək ki, martda Moskva vilayətində yerləşən “Crocus City Hall”da törədilən terror aktından sonra ölkədə yaşayan miqrantlara qarşı nəzarət və yoxlanış ciddi şəkildə artıb.