Bu qərarlar ABŞ-ni tənəzzülə aparır? - Tramp hamını çaşbaş qoydu

ABŞ Prezidenti Donald Trampın tətbiq etdiyi ticarət rüsumları ölkənin artan borc yükü və daha yüksək faiz dərəcələri ilə mübarizə aparmaq qabiliyyətinə mane ola bilər.

Belə bir xəbərdarlıqla “Moody's” beynəlxalq reytinq agentliyi çıxış edib.

Agentliyin analitikləri ABŞ-nin böyük iqtisadi dayanıqlılığını, dolların və dövlət istiqrazları bazarının dünya maliyyə sisteminin əsas sütunları olduğunu qeyd ediblər. Lakin onların fikrincə, Tramp administrasiyasının siyasəti, o cümlədən irimiqyaslı rüsumlar və vergilərin azaldılması planları dövlət gəlirlərinə faydadan çox zərər verə bilər.

Trumpın iqtisadi gündəliyi ilə bağlı qeyri-müəyyənliyi ölkədə də çaşqınlıq yaradıb. Keçmiş Xəzinədarlıq Katibi Larri Summers tənəzzülün "real ehtimalı"ndan bəhs edərək “Bizim zəifləyən iqtisadiyyatın zəif bazarlara, daha sonra isə zəifləmiş bazarların zəifləyən iqtisadiyyata səbəb olduğu bir pis dövr üçün real ehtimalımız var” deyib.

Nyu-York Federal Ehtiyat Sisteminin keçmiş prezidenti Bill Dadli də Trampı uğursuzluqda günahlandırıb.

“Tariflər, birincisi, qiymətləri artırır. İkincisi, artımı aşağı salır. Tramp administrasiyası bu təkrar-təkrar yanaşma ilə işləri daha da pisləşdirir. Qeyri-müəyyənlik səviyyəsi lazım olduğundan daha yüksəkdir", − deyə Bill Dadli vurğulayıb.

Analitiklər tənəzzülün qaçılmaz olduğu təqdirdə Trump-ın tariflərə göz yumacağını ehtimal edirlər.