Dünya
Pleyeri seçin:
Bu, Rusiyanın Qərbə cavabı olacaq! | Peskovdan vacib açıqlama
Rusiya Ordusunun Baş Qərargahı Cənub Hərbi Dairəsinin raket birləşmələri ilə təlimlərin keçirilməsi üçün hazırlıqlara başlayıb. Bu barədə ölkənin Müdafiə Nazirliyi məlumat yayıb.
Bildirilib ki, təlimlərin keçirilməsində məqsəd qeyri-strateji nüvə qüvvələrinin/döyüş tapşırıqlarının icrası üzrə hazırlıq səviyyəsinin artırılmasıdır. Təlimlərə aviasiya, eləcə də hərbi-dəniz qüvvələrinin cəlb edilməsi nəzərdə tutulub.
Rusiya Müdafiə Nazirliyindən qeyd edilib ki, təlim zamanı qeyri-strateji nüvə silahlarının hazırlanması və istifadəsi məsələlərinin praktiki sınaqdan keçirilməsi üzrə bir sıra tədbirlər baş tutacaq.
Kremlin mətbuat katibi Dmitri Peskov isə sözügedən təlimlərin səbəbini açıqlayıb. O, jurnalistlərə açıqlamasında bildirib ki, qeyri-strateji nüvə silahları ilə keçirilən təlimlər Qərbin Ukraynaya qoşun yeritməyə hazır olduğuna dair bəyanatlarına cavab xarakteri daşıyır. D.Peskov Qərbin həmin bəyanatlarını təhlükəli adlandırıb.
Kopyalandı
Seçilmişlər
