Bu saziş Rusiyaya elə bir zərbədir ki... | Corc Buşun keçmiş spikerindən sensasiyalı sözlər
“Ukrayna ilə ABŞ arasında faydalı qazıntılarla bağlı saziş Rusiyaya sarsıdıcı zərbədir. Müəyyən mənada ABŞ Prezidenti Donald Trampın döyüşlərə son qoymaq üçün danışıqlar apara biləcəyi istənilən sülh sazişindən daha vacibdir. Bu müqavilənin həyata keçirilməsindən sonra Rusiya faktiki olaraq müharibəni uduzacaq”.
Bunu ABŞ-nin eks-prezidenti Corc Buşun keçmiş spikeri Mark Tissen deyib.
O, ABŞ-nin sazişi imzalamaqla Ukrayna ilə ticarətə girəcəyini, müqavilədə göstərildiyi kimi, Ukraynanın istifadə olunmamış faydalı qazıntılarını və digər təbii sərvətlərini birgə işlətmək üçün Kiyevlə “uzunmüddətli tərəfdaşlıq” bağlayacağını və “sabit və iqtisadi cəhətdən çiçəklənən Ukraynanın inkişafı üçün uzunmüddətli maliyyə öhdəlikləri” götürəcəyini vurğulayıb.
“Bu o deməkdir ki, hazırda ABŞ-nin Ukraynanın müstəqilliyinin qorunmasına kömək etmək üçün böyük maliyyə stimulu var. Ukrayna “sağ” qalsa, ABŞ yüzmilyardlarla dollar alacaq, Ukrayna məğlub olsa, heç nə almayacağıq. Kimsə düşünür ki, Putin Ukraynanı fəth etsə, Ukraynaya döyüşmək üçün verdiyimiz silahları ABŞ-yə qaytaracaq? Əlbəttə, yox”, − Tissen qeyd edib.
Onun fikrincə, Ukraynanın razılaşmanın müqabilində təhlükəsizlik zəmanəti ala bilməyəcəyini deyənlər bir məqamı qaçırırlar: “Bunun özü təhlükəsizlik zəmanətidir”.
#ABŞ teqi istifadə olunub
- İranla bağlı məxfi plan | ABŞ və Çinin maraqları niyə toqquşur? - Baku TV
- ABŞ Çini dayandıra biləcək: Texnologiya və ticarət müharibəsinin yeni mərhələsi? - AKTUAL GÜNDƏM
- Böyük Britaniyanın Hörmüz həmləsi: boğaza toplanan qoşunlar hansı məqamda istifadə olunacaq?
- ABŞ-İran danışıqları niyə dayandırıldı? - Sərt xəbərdarlıq
- Çinə səfər edən Donald Tramp görün necə qarşılandı - Baku TV
